Get Adobe Flash player

ເມນູພາສາລາວ (Lao Menu )

ໜ້າຫຼັກ( HOME)
ສະບາຍດີເມືອງລາວ/ຂ່າວ/ພາບ
ພຣະພຸທະເຈົ້າ/ພຣະປັຈເຈກฯ
ປະຖົມມະສົມໂພດ ກັນ໑-໓໑
ພຸດທະສາວົກ - ສາວິກາ
ບົດສູດມົນ (Chanting)
ທັມະ/ນິທານ/ບຸນ-ບາບ
ພາສາ/ວັທນະທັມ-ປະເພນີ
ປະຫວັດສາດ / ກົດໝາຍ
ນິທານ/ເລື່ອງເລົ່າ/ບົດຂຽນ
ຄຳຖວາຍ / ຄຳອາຣາທະນາ
ອານິສົງສ໌ / ວັດລາວທົ່ວໂລກ
ຄຳສູດຂວັນ / ຄຳຜູກແຂນ
ຢາພື້ນບ້ານ / ສຸຂະພາບ
ຜະຫຍາ/ກະວີ/ຄະຕິຄຳສອນ
ຮຽນພາສາລາວໄດ້ແລ້ວທີ່ນີ້
ຮຽນພາສາໄທໄດ້ແລ້ວທີ່ນີ້
ຮຽນພາສາຕ່າງປະເທດທີ່ນີ້
ຟັງພາສານານາຊາດທີ່ນີ້
ຟັງທັມະ-ໝໍລຳ-ລູກທຸ່ງທີ່ນີ້
ສູດອາຫານ/ຂອງຫວານ/ເຄື່ອງດື່ມ

สถิติเข้าชม(เริ่ม 05-04-2014)

Today152
Yesterday857
This week5120
This month16956
Total375621

Visitor IP : 54.147.248.118 Visitor Info : Unknown - Unknown วันอาทิตย์, 21 ธันวาคม 2557 04:00

Who Is Online

Guests : 44 guests online Members : No members online
Powered by CoalaWeb

Facebook/เฟชบุ๊ค/ເຟຊບູ໊ກ

 
 

อัตราแลกเปลี่ยน & ดอกเบี้ย

ອັດຕາແລກປ່ຽນເງີນກີບ

ສະກຸນເງິນ ໃບເງິນ/ກີບ
ອັດຕາຊື້ ອັດຕາຂາຍ
USD 8,069.00 8,100.00
THB 247.85 249.10
EUR 9,886.00 9,936.00
GBP 12,426.00 12,674.00
AUD 6,485.00 6,614.00
CAD 6,681.00 6,814.00
JPY 66.75 68.06
ວັນທີ: 19/12/2014   ລະອຽດ...

 

พยากรณ์อากาส(เมืองไทย)

ราคาน้ำมัน บางจาก

ราคาทองคำเมืองไทย

รวมลิ้งค์/ລວມລິ້ງຄ໌/Link

รวมลิ้งค์/ລວມລິ້ງຄ໌/Link

 

×

คำเตือน

Error loading component: com_tags, Component not found

ความสอยเรียงตามอักษร

วรรณกรรมคำสอย ภาค 2

โดย : อาจารย์สวิง บุญเจิม ป.ธ.๙  M.A.

ก สอย สอย พี่น้องฟังสอย
กล้วยอยู่ต้น บ่เคยแซบบ่เคยนัว
บาดห่ากล้วยของผัว กินท่อใด๋กะบ่อิ่ม
 
 
สอย สอย พี่น้องฟังสอย
กำนันบ้านเผิ่น บ่คือกำนันบ้านโต
กำนันบ้านโต หาแต่ทางสิต้ม
  สอย สอย พี่น้องฟังสอย
กำนันบ้านเผิ่น บ่คือกำนันบ้านโต
กำนันบ้านโต เอาแต่เมียสิสั่ง
 
 
สอย สอย พี่น้องฟังสอย
กำนันบ้านเผิ่น บ่คือกำนันบ้านโต
กำนันบ้านโต ขายแต่ชาวบ้านให้ผู้แทน
จั่งซี้กะว่าสอย
  สอย สอย พี่น้องฟังสอย
กากินกล้วย มันกินจนเบิ๊ดหวี
บาดห่าหีกินโคย กินแล้วคลายออก
 
 
สอย สอย พี่น้องฟังสอย
กินลาบต้ม กะว่าแซบว่านัว
บาดห่ากินของผัว แซบหลายกว่านั้น
  สอย สอย พี่น้องฟังสอย
กองเหม็นๆ แม่นกองขี้
กองอยู่ลี้ๆ นั่นแม่นกองก้นตด
กองแล้วกินหมด นั่นแม่นกองทุน
ที่นายทุน วางแผนมาต้ม
สมน้ำหน้าบ่แล้วคนจน เชื่อเขาไวหลาย
ฮ่วย จั่งซี้กะว่าสอย
 
 
สอย สอย พี่น้องฟังสอย
กฎหมายเมืองเผิ่น บ่คือกฎหมายเมืองโต
กฎหมายเมืองโต คนรวยโกงเป็นหมื่นล้านบ่ติดคุก
บาดคนทุกข์ ลักบักพริกมาตำแจ่วหน่วยเดียว
ติดตารางจ้อย
เฮอะ เฮ่ย จั่งซี้กะว่า กฎหมาย
  สอย สอย พี่น้องฟังสอย
การศึกษาเมืองไทย ปริญาตรี ปริญญาโท ปริญญาเอก
จบมาแล้ว คันบ่มีคนจ้างคิดเฮ็ดหยังกะบ่เป็น
บาดพ่อเฒ่าทิดเสน มอม้ากะบ่ฮู้ มีเงินใช้บ่อึด
เฮอะ เฮ่ย การศึกษาหัวกุด
จั่งซี้กะว่าสอย
 
 
สอย สอย พี่น้องฟังสอย
กระทรวง กระทรวง
แต่ละกระทรวงใช้เงินเป็นแสนล้าน
แล้วชาวบ้านเขาได้อีหยัง
คึดบ่แล้วท่านรัฐมนตรี
จั่งซี้กะว่า สอย
  สอย สอย พี่น้องฟังสอย
เกวียนกับงัว สมบัติเฮาแต่น้อย
เผาถิ่มจ้อย บ่คึดพัฒนา
บาดห่ารถเบนซ์มา ผัดสาธุ สาธุ ไหว้รถเบนซ์
เฮอะ เฮ่ย อยากหัว! คนบ่ฮู้จักเจ้าของ!
 
 
สอย สอย พี่น้องฟังสอย
เกษตรกร ทุกบ่อนกะว่า ชาวไฮ่ชาวนา
บาดเป็นรัฐบาลมาต้องให้กฤษฎีการตีความ
ว่า เกษตรกร คือใคร?
บางคนเฮ็ดให้บ้านเมืองฉิบหาย ฟ้าวกู้เงินมาซ่อย
ทำตามแผน มิยาซาว่า เผิ่นว่า ฮ่วย!
ข สอย สอย พี่น้องฟังสอย
ขาของข่อย ข่อยค่อยลูบ ค่อยคลำ
บาดห่าขาประจำแห่งคลำแห่งลูบ
 
 
สอย สอย พี่น้องฟังสอย
ขาขาวกะบ่ไหว ขาลายกะบ่เอา
บาดสิเอา ผัดแม่นขาประจำ
  สอย สอย พี่น้องฟังสอย
ขนแข้งยาวจนพอฮ้อยปลา
ขนขายาวจนพอฮ้อยเขียด
ขนแม่เฒ่าเหนียด เอาไว้เบียดกันชน
แห่งชนแห่งมัน
 
 
สอย สอย พี่น้องฟังสอย
ขี้โก๋ ขี้กะปอม ขี้เกี้ยม ไทยกะทำท่าฮู้เหมิด
บาดไทยบ่ฮู้ ผัดแม่นขี้กระหลุ่ย
เฮอะ เฮ่ย จั่งซี้กะว่าสอย
  สอย สอย พี่น้องฟังสอย
ข้าราชการนั่น คือผู้รับใช้ประชาชน
ข้าราชการลืมตน เขาว่า "เจ้านายหลงยุค"
เฮอะ เฮ่ย จั่งซี้กะว่าสอย
 
 
ค สอย สอย พี่น้องฟังสอย
ครูบ้านเผิ่น บ่คือครูบ้านโต
ครูบ้านโต ล่อสี้ลูกศิษย์
จั่งซี้กะว่าสอย
 
 
สอย สอย พี่น้องฟังสอย
ครูใหญ่บ้านเผิ่น บ่คือครูใหญ่บ้านโต
ครูใหญ่บ้านโต เอาฮอดศาลากลางบ้าน
ความเว้าผัดว่า เสียสละ! เสียสละ!
จั่งซี้กะว่าสอย
  สอย สอย พี่น้องฟังสอย
ครูใหญ่บ้านเผิ่น บ่คือครูใหญ่บ้านโต
ครูใหญ่บ้านโต ที่เลี้ยงงัวเลี้ยงควายเอาเหมิด
จั่งซี้กะว่าสอย
 
 
สอย สอย พี่น้องฟังสอย
ครูบ้านเผิ่น บ่คือครูบ้านโต
ครูบ้านโต 10 โมงเช้าเข้าโรงเรียน
บ่ายสองโมง บ่เห็นหน้าจ้อย
  สอย สอย พี่น้องฟังสอย
ครูบ้านเผิ่น บ่คือครูบ้านโต
ครูบ้านโต ในตารางสอนมีอยู่ 2 วิชา
คือ เลข คัด แล้วก็เลิก
นอกนั้น คุณครูไปไหน?
เด็กชายมี "คุณครูไม่มาครับ
เด็กหญิงสุดา "คุณครูนั่งคุยกันค่ะ"
เด็กชายจุก "คุณครูดูโทรทัศน์ในห้องครูใหญ่
เพราะครูใหญ่เป็นครูใหญ่ประจำอำเภอครับ
 
 
สอย สอย พี่น้องฟังสอย
คอ คอ คอ
อักษรคอ มีเทิง ฅ.คน กับ ค.ควาย
บาดสิใช้ ผัดเขียน คน ค.ควาย
กระหยอนเขาต้มเบิดสู่แนวน้อ
ฮ่วย! จั่งซี้กะว่าสอย
  สอย สอย พี่น้องฟังสอย
เฮอะ เฮอะ เฮ่ย อยากหัวเดว่า
คนยากจน บ่มีบัตรคนไข้
คนบ่ทุกข์ บ่ไฮ้ เอาไปใช้จนเหมิด
กูมาหน่ายเด! จั่งซี้กะว่าสอย
 
 
สอย สอย พี่น้องฟังสอย
คน คน คน
คนมีความคึด เขาเอิ้นว่ายอดคน
คนแล้วแต่คน นั่นคนเบิ๊ดความคึด
เฮอะเฮ่ย จั่งซี้กะว่าสอย
  สอย สอย พี่น้องฟังสอย
ครูโรงเรียนบ้านเผิ่น บ่คือครูโรงเรียนบ้านโต
ครูโรงเรียนบ้านโต มีแต่พี่น้องครูใหญ่เต็มโรงเรียนอยู่
เฮอะ เฮ่ย จั่งซี้กะว่าสอย
 
 
สอย สอย พี่น้องฟังสอย
คุยเหลือโพด คุยหลายเอาเหลือโพด
ว่าเศรษฐกิจสิรุ่งโรจน์ภายในหกเดือน
บาดได้กุมบังเหียน ซาวเดือนกะคือเก่า
เซาคุยทะแหม เหม็นขี้แข้วว่ะ ฮ่วย!


ฆ สอย สอย พี่น้องฟังสอย
ฆอระฆัง ตีดังเหม่งๆ
เฒ่าทิดเก่ง ว่าแม่นครูใหญ่ตี
บาดห่าเบิ่งให้ดี บ่มีครูจักคน นักเรียนตีเอง
จั่งซี้กะว่าสอย
 
 
สอย สอย พี่น้องฟังสอย
ฆอระฆัง เป็นการสั่งเวลา
เวลาขึ้นโรงเรียน เวลาเปลี่ยนชั่วโมงสอน
เวลาเลิกเรียน และเวลามีเหตุ
คู่มื้อนี้ตีบ่แล้ว "พ่อครูใหญ่"
จั๊ก ข่อยบ่ได้ไปโรงเรียนเดือนหนึ่งแล้ว!
ฮ่วย จั่งซี้กะว่าสอย
  สอย สอย พี่น้องฟังสอย
ฆอระฆัง หัวหยักหัวงอ
ครูสอพลอ เทียวแต่เลื่อนขั้น
บาดครูหมั่น ได้แต่ถูกตำหนิ!
ฮ่วย! ระบบอีหยังว่ะ!
จั่งซี้กะว่าสอย
 
 
ง สอย สอย พี่น้องฟังสอย
งาคั่วแล้ว เอาใส่ข้าวแตกงา
แตกเข้าหว่างขา ผัดแม่นหัวโค่ยใหญ่
 
 
สอย สอย พี่น้องฟังสอย
งึดข่อยงึด พ่อเฒ่าสีข่อยงึด
งึดลูกเต้าเลี้ยงใหญ่บ่เป็น
งึดพระเณรบ่ฮู้จักครองวัตร
งึดบักนัดหน่วยหนึ่งหลายตา
งึดหว่างขาผู้หญิงเป็นแผลใหญ่
ดอกวนา นายนา สายตาหมู่เฮาเอ๊ย!
  สอย สอย พี่น้องฟังสอย
แง้เชิงแง้ แล้วแล่นเข้าในฮู
งูสี้งูพันกันร้าวอ้าว
ข่อยสี้เจ้า เด้าหน่ำๆ แน่เด๊! เผิ่นว่า
 
 
สอย สอย พี่น้องฟังสอย
งบประมาณ งบประมาณ งบประมาณ
แต่ละหน่วยราชการใช้งบประมาณบ่น้อย
เฮา เจ้าข่อยพากันได้อีหยัง?
คึดแน่แม่ใหญ่มี
จั่งซี้กะว่าสอย
จ สอย สอย พี่น้องฟังสอย
จกผู้หญิงแล้วฮ้อง จกบ่ถืกบ่อนดี
ลองจกเข้าให้ถืกหี
ย่านแต่มิดอ้อยซ้อย
 
 
สอย สอย พี่น้องฟังสอย
จับมือกะป่าย จับท้ายกะตี
บาดห่าคัวจับหี สิสี้บ่เล่าจั่งจับ เผิ่นว่า!
  สอย สอย พี่น้องฟังสอย
ตำรวจจับไพ่ จับยาบ้า จับขายเลข
จับหน่ำ จับนี บาดห่าเจ้านายหนี
เอาไปให้เขาเฮ็ดคือเก่า เฮ๊อะ เฮ่ย!
จั่งซี้กะว่าสอย
 
 
สอย สอย พี่น้องฟังสอย
โจรมาปล้นนั้น เบิ๊ดบ่ท่อใด๋
บาดห่าโจรถือกฎหมายปล้นหลายกว่าหมู่
โอ๊ย กูละหน่าย
  สอย สอย พี่น้องฟังสอย
ใจขี้ย้านเผิ่นเอิ้นว่าใจหมา
ใจอาสาเผิ่นเอิ้นว่าใจนักสู้
ใจบ่ฮู้ เผิ่นเอิ้นว่าใจพาล
ใจอาจหาญ เผิ่นเอิ้นว่า "ใจเพชร"
ประเทศจะอยู่ได้ก็ต้องใจดวงนี้ จำไว้นะเพื่อนนะ!
 
 
สอย สอย พี่น้องฟังสอย
จนแท้ๆ แก้บ่ยากเด๊นาย
แต่ส่วนหลายอยากยาดเอาของคนทุกข์
เฮอะเฮ่ย คนมีรถปิกอัพ กะได้บัตรยากจน
  สอย สอย พี่น้องฟังสอย
จารย์สึกใหม่ ได้เมียฮ่วมเฮียงหมอน
ฮอดยามนอน บืนขึ้นใส่ของใหญ่
บาดเอาโคยยัดใส่ ผัดใส่หม่องสายบือ
เมียเอามือจับโคยยัดเข้าหีจำบุ้ย
ตาจารย์ปุ้ยลุกขึ้นได้เปิดหนี
ตายอีหลีเข้าเลิ๊กปานนี้ ตายอีหลีเข้าเลิ๊กปานนี่!
 
 
สอย สอย พี่น้องฟังสอย
โจรสี้โจร อยู่ใต้ฮ่มเพ็ก
เจ๊กสี้เจ๊ก อยู่ใต้ฮ่มทัน
บาดมันฮันกะไอ๊ย่า ไอ๊ย่า
อั๊วซี้เลี้ยวอ้า
  สอย สอย พี่น้องฟังสอย
จ๋า จ่าง จ๋า หมาว้อแล่นผ่าน
พ่อเฒ่าห่าน กำขาหมาไล่ตี
พ่อเฒ่าสี ได้ยินเสียงฮ้องใส่
มึงเฮ็ดอีหยังห่าน?
หมาว้อแล่นมา กูตกใจพะวะสั่นสั่นขึ้นเหมิด
กูบายด้นหมาว่าแม่นขาฟืน เฮอะ เฮ่ย!
 
 
สอย สอย พี่น้องฟังสอย
จักกล่าวก้าม ปางก่อนยังมี
มือบายหี อ่อนปานดังม้า
  สอย สอย พี่น้องฟังสอย
อั๊วเป็นเจ๊ก อั๊วอยู่เมืองกิง
อั๊วจำศีง ทำนา หม่าย หล่าย
อั๊วหุงข้าวกิงเองกะเป็ง
ถ้าว่าเจ๊กโง่ สี้คงกะเป็ง
 
 
ซ สอย สอย พี่น้องฟังสอย
ซ่วย ซ่วย ซ่วย เฮาแล้วว่าแต่เขาดี
บาดห่าซ่วยอีหลีซ่วยบ่พอเคิ่ง
บาดห่าเฮาตามเบิ่งเขาแล้วด่ากลับคืน
"ฉันไม่ได้พูดว่าช่วยอย่างเดียวนะ
ฉันพูดว่า ช่วย-เหลือนะโปรดเข้าใจไว้ด้วย!
เอ้าบอกก็ได้ว่า ฉันจะช่วยเท่าไหร?
ฉันจะเหลือเท่าไหร่? ใครจะทำไม?
 
สอย สอย พี่น้องฟังสอย
ซ่าเรื่องเผิ่น ซ่าตั้งแต่แนวดี
บาดห่าซ่าเรื่องโต ซ่าแต่หีแต่ก้น
เฮ้อ เฮ่ย กูอยากหัวเด!
  สอย สอย พี่น้องฟังสอย
เซียงสึกใหม่ บ่เข้าใจหม่องหี
บาดผู้สาวให้สี้ ยัดโคยใส่ฮูสายบือ
โอย กูมาหน่ายแท้เด!
 
 
สอย สอย พี่น้องฟังสอย
เซิบ เซิบ หมาคาบเกิบเข้าป่าบักนัด
แม่เฒ่าแล่นลัด ลูกเขยแล่นซ่วน
ว่าแม่นซ่วนได้เกิบ ผัดถืกนมแม่ยาย
กูมาหน่ายแท้เด!
  สอย สอย พี่น้องฟังสอย
ชาวนาประเทศเผิ่น บ่คือซาวนาประเทศโต
ชาวนาประเทศเผิ่น มีแต่พ่อค้ามาขอซื้อข้าว
อยากได้ราคาจั่งใด๋ ชาวนากะว่าเอาว่าเอา
บาดซาวนาประเทศเฮา เอาข้าวไปให้พ่อค้าขาย
กูมาหน่ายรัฐบาลเด้
 
 
ญ สอย สอย พี่น้องฟังสอย
หญิงบ้านเผิ่น บ่คือหญิงบ้านโต
หญิงบ้านโตบายโคยแข็งๆ ของผัวแล้วเอามาเถียงกัน
กูว่าแม่นกระดุก กูว่าแม่นแขนสาม กูว่าแม่นสาก
บาดห่าผัวโตบอกให้ฮู้ จั่งบอกหมู่ว่า
อีห่ามึง เฮาเถียงกันเวิ่งเว็นนั่นแม่นเอ็นเดิก!
 
 
สอย สอย พี่น้องฟังสอย
หญิงฮู้จักอยากได้ เขาเอิ้นว่าหญิงดี
หญิงกุลสตรีนั่นเป็นหญิงเรียบร้อย
ว่าแต่หญิงบ่มีผัวน้อย เป็นหญิงด้อยพัฒนา
ดอกวนานายนา ผัวป๋าบ่มาจ้อย
  สอย สอย พี่น้องฟังสอย
หญิงให้เขาสี้ซื่อๆ บ่มีราคา
หญิงบ่มีจรรยา เขาว่าหญิงซวดลวด
หญิงใด๋หีสวดๆ นั่นคือ ยอดนารีนะหนูนะ
(ยอดนารีนะหนูนะ ออกเสียงภาษาไทยกลาง)
 
 
ฒ สอย สอย พี่น้องฟังสอย
เฒ่าสิตาย บายโคยผัวว่าแม่นกระโบกหมาก
เบิ่งแท้ๆ ผัดแม่นสากตำหีม์
 
 
สอย สอย พี่น้องฟังสอย
เฒ่าสิตาย บายโคยผัว ว่าแม่นหัวเสาธงชาติ
ประเทศไทย แกงหน่อไม้ใส่ยานาง
  สอย สอย พี่น้องฟังสอย
เฒ่าสิตายบ่ฮู้จักศีลห้าศีลแปด
บาดห่าโคยทั่งแตด ผัดฮ้องว่า สาธุ ผู้ข้าถ่อน
จั่งซี้กะว่าสอย
 
 
สอย สอย พี่น้องฟังสอย
เฒ่าสิตายบ่ฮู้จักเวียกบ้าน
แขกมานอนบ้านสี้เอาเทื่อหนึ่ง ซึ้งจิตซึ้งใจ
บาดเขาลากลับเมือไป เว้าไปหลงทีปว่า
ปีกลายมายามแม่อีกแน่เด้อๆๆๆ
จั่งซี้กะว่าสอย
  สอย สอย พี่น้องฟังสอย
เฒ่าสิตาย บ่ฮู้จักเข้าวัดฟังธรรม
ยามทำบุญฮาดทะนาบ่ได้
บาดห่าไตไก่กับไส้ปลาค่อ ถามหา ถามหา
ไปนรกเถิดนะ พ่อตาไตไก่
จั่งซี้กะว่าสอย


ด สอย สอย พี่น้องฟังสอย
เดิ่น เจ้าเดิ่น ฟังเด้อเจ้าเดิ่น
เดิ่นอยู่ดินเผิ่นเอิ้นว่าลานข้าว
เดิ่นของเหาเผิ่นนั่นว่าหัวล้าน
เดิ่นโคยเสียกข่านหล่านนั่นแม่นหว่างขาผู้หญิง!
เฮอะ! เฮ่ย! จั่งซี้กะว่าสอย
 
 
สอย สอย พี่น้องฟังสอย
ดวดใส่แก้วนั่นแม่นกินเหล้า
ดวดเสานั่นไว้สวมขื่อ
ดวดสุบใส่คู่มื้อนั่นแม่นผูหญิงขึ้นสี้เอาเอง
เฮอะ เฮ่ย! จั่งซี้กะว่าสอย
  สอย สอย พี่น้องฟังสอย
ดู๋ดี๋ด้ำหมอลำเขาว่า
โดดลงโลด โดดลงใส่โลด
อย่าสิโทษว่าข่อยขี้เมา
บาดข้อยเด้าบาดใด๋เด้งใส่มับๆ
ห่ากินตับมึงเอ๊ย!
 
 
สอย สอย พี่น้องฟังสอย
ดีของคนคือให้ฮักกัน
ดีของข้าราชการคือให้รับใช้
อันที่ใช้บ่ได้คือข้าราชการโกง
แม่นบ่ผู้ฟังสอย! จั่งซี้กะว่าสอย
  สอย สอย พี่น้องฟังสอย
ได้ ได้ ได้
ได้ซื้อสิทธิ์ 100 บาทเผิ่นกะว่าเผิ่นได้
บาดเขาไปโกงชาติเอาโกฎิเอากือ
สมน้ำหน้าบ่หือ แม่นไผแล้วโง่!
จั่งสิกะว่าสอย
 
 
ต สอย สอย พี่น้องฟังสอย
ตับ เอ๊ย ตับ ข่อยสิบอกเรื่องตับ
ตับคนตับสัตว์นั่นอยู่ทางใน
ตับไม้คือขอนไม้เปิดปีกออก
ตับกระฮอกอยู่ติดกับบี
บาดตับหี นั่นผัดแม่นหน่อแตด
เฮอะ เฮ้ย! จั่งสิกะว่าสอย
 
 
สอย สอย พี่น้องฟังสอย
ตด ตด ตด ข้อยสิเว้าเรื่องตด
ตดบ่ดังเขาเอิ้นว่า ตดสูด
ตดดังปู๊ดเขาเอิ้นว่าตดผู้นำ
ตดขี้ออกนำเขาเอิ้นว่า ตดต่อน
คันแม่นตดฮ้อนๆ ระวังขี้หยอดเด้อ!
  สอย สอย พี่น้องฟังสอย
ตำรวจเมืองเผิ่นบ่คือตำรวจเมืองฉัน
ตำรวจเมืองฉันเปิดบ่อนการพนัน
กับเป็นโตแทนขายยาบ้า
จั่งสิกะว่าสอย
 
 
สอย สอย พี่น้องฟังสอย
ตำรวจบ้านเผิ่น บ่คือตำรวจบ้านโต
ตำรวจบ้านโตจับแต่คนบ่ขายยาบ้าซ่วย
จั่งสิกะว่าสอย
  สอย สอย พี่น้องฟังสอย
ตำรวจบ้านคุณ ไม่เหมือนตำรวจบ้านฉัน
ตำรวจบ้านฉันหาเงินด้วยการยัดยาบ้าใส่กระเป๋าชาวบ้าน
ของผิดกฎหมายเพียบ ไปโรงพัก ไปโรงพัก
พอเขาควักเงินให้ ไม่มีอะไรไปได้
จั่งซี้กะว่าสอย
 
 
ถ สอย สอย พี่น้องฟังสอย
ถงเอ๊ยถง ข่อยสิเว้าเรื่องถง
ถงพ่อเฒ่านีมีแต่ แอบยา
ถงแม่เฒ่าสา มีแต่แอบหมาก
บาดปากถงเงินว่ากันเป็นแสน
แม่นบ่ครับผู้จัดการธนาคาร
จั่งซี้กะว่าสอย
 
 
สอย สอย พี่น้องฟังสอย
ถามข่าวบ้าน ถามข่าวหาปลา
ถามข่าวนา ถามข่าวหาข้าว
ถามข่าวเจ้ามีผัวแล้วหรือบ่
หรือว่า สู่มื้อนี้เจ้าอึดสี้บ่เป็น
  สอย สอย พี่น้องฟังสอย
ถามข่าวอ้าย ถามข่าว ขอ ขอ
ถามคอ คอ ค่อยอยู่บ่คอ ค้อ
ถามว่า โคย เจ้าเสียกพ่อว่อ หรือว่าบานเปิ่งเซิ่ง
 
 
สอย สอย พี่น้องฟังสอย
ถามข่าวน้อง ถามข่าว ขอ แข
ถามคอแคค่อยอยู่ดีบ่คอแค้
ถามว่าหีเจ้าแหล่หรือว่า แดงจ่ายหว่าย
ท สอย สอย พี่น้องฟังสอย
ทางซื่อนี้ พวกผู้ดีเผิ่นเทียว
คนหีเคียว ให้ไปเทียวเส้นพุ้น
 
 
สอย สอย พี่น้องฟังสอย
โทรศัพท์บ้านเผิ่น บ่คือโทรศัพท์บ้านโต
โทรศัพท์บ้านโต กรรมการโทรศัพท์ ได้ฟรีเทิงเงิน
ได้กินเทิงเบี้ยประชุม ได้ฟรีเทิงเบี้ยเลี้ยง
ได้ฟรีเทิงโบนัส ได้กินเทิงค่าโทรศัพท์สาระพัดได้ฟรี
บาดพ่อเฒ่าสีลืมไปจ่ายมื้อเดียว 150 บาทหนึ่ง
ตัดของลาวจ้อย ฮ่วย ฮ่วย! ใสว่าประชาชนเป็นใหญ่
บ่ให้เวลากันจักหน่อยเว้ย จั่งซี้กะว่าสอย
     
ธ สอย สอย พี่น้องฟังสอย
ธนาคารเมืองเผิ่น บ่คือธนาคารเมืองไทย
ธนาคารเมืองไทย คนกู้เงินไปค้าบ่มีสิทธิ์ขาดทุน
ถ้าขาดทุนกะยึดบ้านยึดที่ ยึดเบิ๊ดสู่แนว
บาดห่าธนาคารเอาเงินไทบ้านไปค้า
แบบให้ซื้อหุ้นซื้อกองทุน ธนาคารเฮ็ดขาดทุน
ชาวบ้านบ่มีสิทธิ์ฟ้อง เฮอะเฮ้ยกฎหมายไทย
ซ่อยแต่คนรวย แก้ทะแม! นักกฎหมาย!
 
 
สอย สอย พี่น้องฟังสอย
ธนาคารลดแต่ดอกเบี้ยเงินฝาก
แต่หากเฮากู้ดอกเบี้ยบ่ต่ำเลย
ไผเอาเปรียบ ไผฮึ! พี่น้อง ซ่อยคึดแน่!
  สอย สอย พี่น้องฟังสอย
ธงชาติไทย ไตรรงค์ สามศรี
แม่เฒ่ามี ลาวไปฮ้องเพลงชาติ
"ประเทศไทยแกงหน่อไม้ใส่ยานาง หาแต่ทางโกง...?"
จั่งสิกะว่าสอย
 
 
สอย สอย พี่น้องฟังสอย
ธนาคารเมืองอื่น บ่คืธนาคารเมืองไทย
ธนาคารเมืองไทย บ่มีให้มีแต่เอา
นี่รึเขาเรียก เสาหลักแห่งการงาบ
เฮอะ เฮ่ย จั่งซี้กะว่าสอย
น สอย สอย พี่น้องฟังสอย
นกแตดแต้ บินข้วมสังกะสี
ผัวบ่มี สี้เล่นไปก่อน
 
 
สอย สอย พี่น้องฟังสอย
นกแตดแต้ บินข้วมกกเสียว
สี้กับเสี่ยวสี้แซบสี้นัว
บาดห่าสี้กับผัว ว่าแม่นสี้ขอนไม้
เฮอะ เฮ่ย จั่งสิกะว่าสอย
  สอย สอย พี่น้องฟังสอย
นกเอ็นแส่ว กินแดด กินลม
บาดห่าตัวกระผม กินแต่ของแม่เสี่ยว
 
 
สอย สอย พี่น้องฟังสอย
นกขี้ถี่ บินข้วมไฮ่นา
พ่อเฒ่าสา ล่อสี้เด็กน้อย
  สอย สอย พี่น้องฟังสอย
นกจิบเฟือง ขาเหลืองอ่อยฮ่อย
เสียกโคยอ่อยเด็กน้อยเลี้ยงควาย
เขาว่าแม่นกล้วย เขาฮีบแล่นมาเอา เฮอะ เฮ่ย
 
 
สอย สอย พี่น้องฟังสอย
นักธุรกิจประเทศอื่น บ่คือนักธุรกิจประเทศไทย
นักธุรกิจประเทศไทย ค้าบ่มีกำไรผัดทานุ่งเสื้อใหญ่
หลอกชาวบ้าน ซื้อหุ้นกำไรดีนะ ซื้อหุ้นกำไรดีนะ
พอเขาซื้อเข้าซะ ฉิบหายทั้งต้นทั้งดอก
ประเทศไทยปล่อยเอาไว้แต่คนโกง (ร้องเพลงชาติ)
  สอย สอย พี่น้องฟังสอย
นักธุรกิจประเทศอื่น บ่คือนักธุรกิจประเทศไทย
นักธุรกิจประเทศไทยค้าขายขาดทุน
แล้วหลอกขายหุ้นให้ชาวบ้าน
ขายได้แล้ว บ่มีมื้อสิได้คืน เฮอะ เฮ่ย! จั่งซี้กะว่าสอย
 
 
สอย สอย พี่น้องฟังสอย
นกกะบา ตีเหล็กจ่องจ่อง
โจรลักของ แม่เฒ่าทองลักไก่
ลักบ่ได้ ลักไก่เจ้าของ
จั่งซี้กะว่าสอย
บ สอย สอย พี่น้องฟังสอย
บักเขือขื่นกินกับส้มปลาน้อย
ไผบ่มีเมียน้อยเป็นคนด้อยพัฒนา
 
 
สอย สอย พี่น้องฟังสอย
บักขามโค้ง บักขามข้อหวาน
สี้แม่มาน พอปานอุ้มไหเหล้า
  สอย สอย พี่น้องฟังสอย
บักขามโค้ง บักขามเล็นเค็ด
สี้กันเสร็จแล้วไปเฮ็ดเวียกต่อ
 
 
สอย สอย พี่น้องฟังสอย
บักเขือขื่น ตื่นหมกปลาแดก
ปาระมีแตก หัวล้านเหมิกเขิก
  สอย สอย พี่น้องฟังสอย
บัตรยากจน คนจนบ่ได้ใช้
บาดห่าคนได้ใช้ มีแต่ญาติกำนัน
 
 
สอย สอย พี่น้องฟังสอย
บายขอนไม้ ให้เจ้าบายอีหลี
คันแม่นเจ้าบายหี ให้เจ้าบายค่อยๆ
  สอย สอย พี่น้องฟังสอย
บักขามโค้ง บักขามเล็นเค็ด
หัเก็ดข้าว นอแนยิงนก
 
 
ป สอย สอย พี่น้องฟังสอย
เป็ดสี้เป็ด อยู่ใต้ฮ่มไผ่
ไก่สี้ไก่ อยู่ใต้ฮ่มทัน
บาดมันฮัน สั่นขนพรืด ๆ ๆ ๆ ๆ
 
 
สอย สอย พี่น้องฟังสอย
เป๋ เป่ง เป๋ ย่างเซแต่เช้า
คนเขาเว้าว่า เฒ่านั้นเมาซา
บาดลาวจาว่า "กูสี้หยั่งคืน พวกห่าสู"
เฮอะ เฮ่ย จั่งสิกะว่าสอย
  สอย สอย พี่น้องฟังสอย
ปลาใหญ่เขาว่า กินปลาน้อย
ปลาสร้อยเขาว่ากินปลาซิว
รัฐมนตรีหิวเขาว่ากินเบิ๊ดทุกอย่าง เฮอะเฮ่ย
 
 
สอย สอย พี่น้องฟังสอย
เปรต! เปรต! เปรต!
เปรตคนตายส่วนหลายกะขอส่วนบุญ
บาดห่าเปรตนายทุนซื้อเสียงไปกินประเทศ
ฮ่วย! กินฮอดอิฐฮอดหิน มาเก่งแท้
เฮอะ เฮ่ย จังซี้กะว่าสอย
  สอย สอย พี่น้องฟังสอย
เป็นแนวใด๋ นี่มันเป็นแนวใด๋
เป็นรัฐบาลกะบ่คือเคยต้าน
เป็นฝ่ายค้านกะบ่มีน้ำยา
เซาตั๋วลาว ทะแม ฮ่วย!


ผ สอย สอย พี่น้องฟังสอย
ผักกะโดน เอากินกับลาบกุ้ง
ไผหมอยยุ่ง บ่ให้แม่มันกินนำ
 
 
สอย สอย พี่น้องฟังสอย
ผักกะโดน กินกับลาบนกขุ่ม
สี้เมียบ่ยุ้ม ว่าแม่นสี้ขี้ตม
  สอย สอย พี่น้องฟังสอย
เครือผักไส่ อยู่ใกล้เครือผักสาบ
บ่ย่านบาป บ่ไปมักแม่ขาว (แม่ชี)
 
 
สอย สอย พี่น้องฟังสอย
ผักกะโดน กินกับลาบนกเค้า
เอาผัวเฒ่า โคยอ่อนแตแซ
  สอย สอย พี่น้องฟังสอย
ผู้ใหญ่บ้านบ้านเผิ่น บ่คือผู้ใหญ่บ้านบ้านโต
ผู้ใหญ่บ้านบ้านโต บ่เคยตีเกาะ (กอลอ) จักเทื่อ
จั่งซี้กะว่าสอย
 
 
สอย สอย พี่น้องฟังสอย
ผู้ใหญ่บ้านบ้านเผิ่น บ่คือผู้ใหญ่บ้านบ้านโต
ผู้ใหญ่บ้านบ้านโต ชาวบ้านเลือกผัว
แต่ว่าเมียเป็นผู้ใหญ่บ้าน
เฮอะ เฮ่ย จั่งซี้กะว่าสอย
ฝ สอย สอย พี่น้องฟังสอย
ฝนสิตกเผิ่นว่า ฟ้ามันแจ้ง
ฝนสิแล้งเผิ่นว่า ฟ้ามันมืด
สิ่นสิปืด เผิ่นว่า สิ่นมันเขิน
โคยยาวเกิน แข็งแล้วมันโก่ง
หญ้าอยู่ท่ง ป่งเป็นสีเขียวๆ
เผิ่นว่า หีสิเคียวมันเป้นสีจื้นๆ
 
 
สอย สอย พี่น้องฟังสอย
ฝอยข้างนอก ยังขัดหม้อขัดไห
บาดห่าฝอยหญิง-ชายผัดใช้ฮองยามเด้า
  สอย สอย พี่น้องฟังสอย
ฝันคืนนี้ ฝันว่าสิได้สี้น้องเมีย
เมียมาซูนตื่นสา บ่ได้สี้จ้อย
โอ้ย กูมาเสียดายเด้!
 
 
สอย สอย พี่น้องฟังสอย
ฝอยเศษไม้ เศษกระดาษ เอาคราดกวาดได้
ฝอยบ่มีแนวได้ นั่นแม่นฝอยผู้แทนซื้อเสียง
จั่งซี้กะว่าสอย
พ สอย สอย พี่น้องฟังสอย
พระบ้านเพิ่น บ่คือพระบ้านโต
พระบ้านโต เว้านำแม่ออกเฒ่าหน้าบูดหน้าเบี้ยว
บาดห่าเว้ากับสาวหีเคียว ผัด จ่ะ จ๋า จ่ะ จ๋า
จั่งซี้กะว่าสอย
 
 
สอย สอย พี่น้องฟังสอย
พระบ้านเพิ่น บ่คือพระบ้านโต
พระบ้านโต บ่ฮู้จักครองวัตร
มีแต่นัดคนมาขายหวย
มีแต่คนเฮงซวยมาหาเต็มวัด
บ่ อาย พระพุทธเจ้าบ้อ ข้าน้อย
จั่งซี้กะว่าสอย
  สอย สอย พี่น้องฟังสอย
พระบ้านเพิ่น บ่คือพระบ้านโต
พระบ้านโต อัดผักตูคุยสาว
ถ้าเกิดเรื่อง เกิดราว
ระวังสากมองบังสุกุล เด้อข้าน้อย
จั่งซี้กะว่าสอย
 
 
สอย สอย พี่น้องฟังสอย
พระบ้านเผิ่น ประพฤติดี ปฏิบัติงาม
คนล้นหลาม มากราบมาไหว้
บัดห่าพระบ้านโต... บ๊ะ บ่ฮู้เว้าดอกเว้ย
เลิกวะข้าน้อย ที่เฮ็ดอยู่นั่น
จั่งซี้กะว่าสอย
  สอย สอย พี่น้องฟังสอย
โพล โพล โพล
โพนบ้านข่อย โพนขี้ปลวกในดง
บาดห่าโพลคนกรุง ผัดหาเสียงให้กันเอง
เซาต้มบ้านนอกซะแน่ถ่อน ฮ่วย!
จั่งซี้กะว่าสอย
 
 
สอย สอย พี่น้องฟังสอย
พวกกันเอง บ่เชื่อพวกกันเอง
เห็นนักเลง เว้าไทย ผัดไปเชื่อ
เขากินเนื้อเบิ๊ดแล้วจังเชื่อกัน
ฮ่วย! มันเป็นจั่งได๋เดี๋ยวนี้
จั่งซี้กะว่าสอย
ฟ สอย สอย พี่น้องฟังสอย
ฟังผู้ใหญ่บ้านประกาศ
คนมาฟังกอลออยู่นี้ลุกขึ้นให้เหมิด
ยืนแล้วแหงนหน้าขึ้นฟ้า
มีเรื่องหยัง ญาพ่อผู้ใหญ่
อย่าถามแฮงหลาย บักทิด
ลูกสาวกูป๋าหีผิงไฟมึงเห็นบ่ ฮ่วย!
 
 
สอย สอย พี่น้องฟังสอย
ฟัดปั๊วะ ปั๊วะ อยู่กี่เขาเอิ้นว่า ต่ำหูก
ฟัดขาซ้ายขาขวานั้นเขาว่า ผู้เฒ่าบ่มีส่งลิง
ฟัดก้นผู้หญิงแล้ว แทงเข้าจำมับนั้นเขาว่า สี้กัน
เฮอะเฮ้ย ฟัด
  สอย สอย พี่น้องฟังสอย
ฟังอย่างเดียว เขาว่าคนโง่
โต้อย่างเดียวเขาว่า หัวแข็ง
ตะแบงอย่างเดียวเขาว่า ผู้แทนพรรครัฐบาล
เฮอะ เฮ่ย จั่งซี้กะว่าสอย
 
 
สอย สอย พี่น้องฟังสอย
ฟาดแส้ลงใส่หลัง เขาว่า ตี
ฟาดโคยใส่หี เขาว่าสี้กัน
ฟาดเบิ๊ดสู่อัน เขาว่า "ผู้แทนซื้อคะแนนเข้ามาเป็น"
จั่งซี้กะว่าสอย
ภ สอย สอย พี่น้องฟังสอย
ภาคอื่นๆ จักเขาเอิ้นว่าแนวใด๋
บาดห่าภาคอีสานของไทยเขาเอิ้นว่า "ลาว"
พอไปขึ้นรถเมล์กรุงเทพฯ ตอนรถสิออก
เขาบอกให้จับราวไว้ย่านล้ม
เขาฮ้องไทยว่า "จับลาว (ราว)"
เผิ่นผู้อีสานได้ยิน โตนรถเมล์ลงไปตั้งมวย
ฮ้องท้าเขาว่า "มาเลยเข้ามาเลยใครจะจับลาว
กูสิเตะให้มันหลังแอ่นแอ้งแถ้งเบิ่งนี้
เฮอะ เฮ่ย เว้าไทย
 
 
สอย สอย พี่น้องฟังสอย
ภาคอิสาณฟังมโนราห์ภาคใต้
เขาฮ้องใส่เครื่องขยายเสียงว่า
"ทำไรทำเถิดอย่าเปิ๊ดผ้า ทำไรไม่ว่าผ้าอย่าเปิ๊ด"
ท้าวอีสานกะเลยฮ้องว่า...
"ฮ่วยสิ่นบ่เปิด กูสิสี้จั๋งได๋ บักห่ามึง"
เฮอะ เฮ่ย จั่งซี้กะว่าสอย
  สอย สอย พี่น้องฟังสอย
หน่วยราชการแบ่งออกเป็นจังหวัด แล้วยังแบ่งเป็นภาค
แบ่งมากๆ จักว่าเฮ็ดอีหยัง?
เป็นตาซังเอาเหมิดสู่อย่าง
เงินเดือนกะเอา เงินตำแหน่งกะเอา
เบี้ยเลี้ยงกะเอา เบี้ยป่วยกะเอา
ราษฎรทุกข์สิตาย เอาหยังครับ
เฮอะเฮ่ย จั่งซี้กะว่าสอย
ม สอย สอย พี่น้องฟังสอย
แมงหัวโปก โจกโหลกหัวผี
สามพันปีพากันอึดข้าว
พวกผู้เฒ่าเผิ่น ลืมศีลแปด
ไม้ทั่งแตด เผิ่นผัดว่า
สาธุ สาธุ อนุโมทามิ
 
 
สอย สอย พี่น้องฟังสอย
แมงตับเต่าออกลูกทางหัว
เคียดให้ผัวไปนอนใต้อู่
อยู่บ่ได้คานโก้ยออกมา คลำหาของแซบ
  สอย สอย พี่น้องฟังสอย
เมียชาวบ้าน บ่คือเมียซาอุ
เมียซาอุ สาธุแต่โคยใหญ่
 
 
สอย สอย พี่น้องฟังสอย
เมียชาวบ้าน บ่คือเมียข้าราชการ
เมียข้าราชการอยู่บ้านนานบ่ได้
ไปเล่นไพ่จนเงินเดือนบ่ยัง
จั่งซี้กะว่าสอย
ย สอย สอย พี่น้องฟังสอย
ย่าน คนไทยว่ากลัว ตั๋ว คนไทยว่าโกหก
จก คนไทยว่า ล้วง ปลาแดกต่วง คนไทยว่า เหม็น
สี้กลางเว็นคนไทยว่า ฉันทำเป็นประจำ
เฮอะ เฮ่ย จั่งซี้กะว่าสอย
 
 
สอย สอย พี่น้องฟังสอย
เย็ดคนอีสานว่า สี้ ขี้ตระหนี่คนอีสานว่า ขี้ถี่
แมลงหวี่คนอีสานว่า แมงหมี่ ตอมหีตี่ผู้สาวนอนเว็น
ตอมหีแล้วตอมตาพ่อแก่ เย็ดหีแม่มึงเป็นหยังบ่ตอมโคย
จั่งซี้กะว่าสอย
  สอย สอย พี่น้องฟังสอย
ยืนยันนั้นภาษาการเมือง ขึ้นเตียงนั้นภาษากระหรี่
ตีความนั้นภาษาพรรคประชาธิปัตย์
บอกปัดนั่นภาษาผู้แทนหลังเลือกตั้ง
ยับยั้งไว้แล้วช่วยคนโกงนั้นภาษาหลักการ
ดองไว้นานจนผูกคอตายนั้นภาษานายกฯ
โอย จักสิเพิ่งไผ หน่ายเด!
จั่งซี้กะว่าสอย
 
 
สอย สอย พี่น้องฟังสอย
อย่าเจ้าอย่า แม่เฒ่าลา เจ้าอย่า
อย่าเล่นหุ้น นายทุนสิโกง
อย่าสิหลง นักการเมืองสิต้ม
ให้เจ้าก้มเฮ็ดกินเฮ็ดทาน
จั่งซี้กะว่าสอย
ร สอย สอย พี่น้องฟังสอย
โรงเรียนบ้านเผิ่น บ่คือโรงเรียนบ้านโต
โรงเรียนบ้านโต ครูตรี ครูโท
เข้าโรงเรียนโตเองบ่ได้ เฮอะเฮ้ย คือบ่เบิ่งโต
 
 
สอย สอย พี่น้องฟังสอย
โรงเรียนบ้านเผิ่น บ่คือโรงเรียนบ้านโต
โรงเรียนบ้านโต ผู้บริหารบ่กินแต่แนวบ่มี
เฮ้อเฮ่ย ช่างบ่อาย!
  สอย สอย พี่น้องฟังสอย
โรงเรียนบ้านเผิ่น บ่คือโรงเรียนบ้านโต
โรงเรียนบ้านโต 10 โมงครูจั่งมา
บ่ายสองโมง ครูหายโตได้
เฮอะ เฮ่ย จั่งซี้กะว่าสอย
 
 
สอย สอย พี่น้องฟังสอย
รัฐบาลประเทศเผิ่น บ่คือรัฐบาลประเทศไทย
รัฐบาลประเทศเผิ่น เอาเงินช่วยคนจนให้ตั้งโตได้
รัฐบาลประเทศไทย ให้คนจนผูกคอตาย
บาดห่านายธนาคาร ผัดให้รวยล้นฟ้า
เฮอะ เฮ้ย! จั่งซี้กะว่าสอย
  สอย สอย พี่น้องฟังสอย
รัฐบาลประเทศเผิ่น บ่คือรัฐบาลประเทศไทย
รัฐบาลประเทศเผิ่นเคารพนับถือราษฎรว่าเป็นเจ้านาย
บัดห่ารัฐบาลประเทศไทย ข่มเหงน้ำใจชาวบ้าน
รัฐบาลของนายกฯ ใด๋ คึดเอา เฮอะเฮ่ย
จั่งซี้กะว่าสอย
 
 
สอย สอย พี่น้องฟังสอย
ราษฎรประเทศเผิ่น บ่คือราษฎรประเทศไทย
ราษฎรประเทศเผิ่น เอิ้นคนสมัครผู้แทนมาซักว่า
เจ้าสิมาซ่อยชาวบ้าน หรือสิมางาบงบประมาณ
บาดห่าราษฎรประเทศไทย "เงินบ่มากาบ่เป็น"
พอเลือกแล้ว ในผักกิโลละหนึ่งแสนห้าหมื่นบาท
ประเทศชาติเป็นหนี้ ไอ. เอ็ม. เอฟ.
หนี้ตกมาหาราษฎร หัวละเกือบล้านบาท
ได้เงินร้อยบาทเป็นหนี้เกือบล้านบาท
สมน้ำหน้าบ่พ่อราษฎรหน้าเงิน!
เฮอะเฮ่ย จั่งซี้กะว่าสอย
ล สอย สอย พี่น้องฟังสอย
ลิงกินกล้วย มันกินเบิ๊ดหวี
บัดห่าหีกินโคย ดูดกินแต่น้ำ
 
 
สอย สอย พี่น้องฟังสอย
ลูกสาวเดียวเรียกทองหนักห้าร้อย
พ่อลูกอ่อนสี้จ้อย เลยบ่ได้จักสตางค์
  สอย สอย พี่น้องฟังสอย
เล้าใส่ข้าว เผิ่นเฮ็ดไว้กันขโมย
บาดห่าแนวกันโคย บ่มีหยังกันอยู่
ถ้าคนไม่เห้น หนูจะเปิดประตูเล้าให้เองนะพี่นะ
 
 
สอย สอย พี่น้องฟังสอย
ลุงทิดดี มีเงินฝาก 1 ล้าน
ลุงทิดก้านเป็นข้าราชการบำนาญ
เก็บไว้นานมีเงินล้านหนึ่ง
ลาวกะกึ่งมาซื้อหุ้นธนาคาร
มันเลยผลาญเหมิดเกลี้ยงอ่อยฮ่อย
ฮ่วย! มันวางแผนต้มนี่หว่า
พวกใส่เสื้อนอกหลอกชาวบ้าน!
เฮอะเฮ่ย นักธุรกิจไทย
ว สอย สอย พี่น้องฟังสอย
วอดแล้ว พี่น้อง วอดแล้ว
ข่าวออกแล้วว่า โกงยา โกงผัก
ฟังคักๆ ผัดแม่นชาวนาผูกคอตาย
เป็นหยังจั่งผูกคอตาย บ่ได้พบนายกรัฐมนตรี
ฮ่วย! จั่งซี่กะมีส่ำบอ
บาดห่านักธุรกิจกินเมือง
คืออย่างเข้าทำเนียบจนหัวคันไดหมื่น
 
 
สอย สอย พี่น้องฟังสอย
วันสำคัญ บ่อึดวันสำคัญ
พ่อเฒ่าสันยกมือขึ้นประท้วง
วันชาวนากระดูกสันหลังของประเทศ
วันอะไรครับ! มีไหมครับ?
ฮ่วย! จั่งซี้กะว่าสอย
  สอย สอย พี่น้องฟังสอย
โว เว กะ โว เว โว วุ่ม
พ่อเฒ่าชุ่มผูกคอตายข้าง กพ.
ถามต้นตอว่า บ่พ้อนายกฯ
บาดนายกฯ สัมภาษณ์ผัดว่า
ถั่วกับงา ผมคั่วด้วยกัน
จั่งซี้กะว่าสอย
 
 
สอย สอย พี่น้องฟังสอย
โว เว กะ โว เว โว วาย
มรรยาทดีหลายสิตายถิ่มซื่อๆ
ให้เจ้าหย่างกื่อดื่อ เข้าไปพบนายกฯ เลย
รับรองว่าบ่ตาย จั่งซี้กะว่าสอย
  สอย สอย พี่น้องฟังสอย
เว้าภาษาไทย เฮาเว้าภาษาไทย
เว้าท่อใด๋ บ่มีไผสิเชื่อ
บาดห่าเว้าต่างชาติ หัวโค้งจอดดิน
โอเคครับ โอเค. ฮ่วย! มันคือบ่ประสาแท้หือ
จั่งซี้กะว่าสอย


ส สอย สอย พี่น้องฟังสอย
สักกีก สักก้าก สักไม้บาก
ไม้เท้าฮูฮา งัวสามขาแล่นไปฟ้าวฟั่ง
ปลาค่อกั้งแล่นเข้าง่ามขา
ไม้สีดา แห่งหอยเด็กนี่
 
 
สอย สอย พี่น้องฟังสอย
สอย เฮาสอย สอยปั๊ดสอยแป้ด
สอยหน่อแตดไปเสียบเหยื่อเบ็ด
จั่งซี้กะว่าสอย
  สอย สอย พี่น้องฟังสอย
เสี่ยวต่อเสี่ยว กินลาบกระแต
หางนอแน แหย่หีแม่เสี่ยว
 
 
สอย สอย พี่น้องฟังสอย
สาวบ้านเผิ่น บ่คือสาวบ้านโต
สาวบ้านโต เว้านำผู้บ่าว ค่ะขา ค่ะขา
บาดห่าเว้ากับบิดามารดา ว่าแม่นหน้าเหม็นขี้
  สอย สอย พี่น้องฟังสอย
สาวสมัยก่อนขอเงินพ่อ ขอเงินแม่เอาไปตัดเสื้ออีหลี
บาดห่าสาวคู่มื้อนี้ ขอเงินพ่อแม่ว่าเอาไปเสียค่าเทอมๆ นี้
ตั้งที่แท้เอาไปเช่าห้องสี้กัน
จั่งซี้กะว่าสอย
 
 
สอย สอย พี่น้องฟังสอย
สหกรณ์บ้านเผิ่น บ่คือสหกรณ์บ้านโต
สหกรณ์บ้านเผิ่น ธนาคารมาขอกู้เงินนำ
บาดห่าสหกรณ์บ้านโต กำหำขอกู้ธนาคาร
เฮอะเฮ่ย เจ้าของเงินขอกู้เงินโตเอง
เป็นตาอยากหัว จั่งซี้กะว่าสอย
  สอย สอย พี่น้องฟังสอย
ส้มผักกุ้ม แม่เฒ่าทุมลาวมัก
ตักให้ลาวแน่ แง่หีลาวนำ
จั่งซี้กะว่าสอย
 
 
สอย สอย พี่น้องฟังสอย
ใส่เสื้อนอก โก้บ่หยอกเดนาย
มันเป็นตาซังหลาย ตั้งแต่หลอกชาวบ้าน
จั่งซี้กะว่าสอย
ห สอย สอย พี่น้องฟังสอย
หัวสิงไค เป็นใบซะงะ
สาวมักพระ ฮ้องกาเว้าหว่อน
 
 
สอย สอย พี่น้องฟังสอย
หัวสิงไค เป็นใบเส้าเหง้า
สี้ผู้เฒ่า พอปานหล่มขุมมัน
  สอย สอย พี่น้องฟังสอย
หัวสิงไค บ่คือหัวกะผุก เฒ่าทิดสุข
บ่คือเฒ่าทิดใส เฒ่าทิดใสนั่นสี้ได้ฮอดควาย!
เฮอะ เฮ่ย จั่งซี้กะว่าสอย
 
 
สอย สอย พี่น้องฟังสอย
หัวหน้าเผิ่น บ่คือหัวหน้าโต
หัวหน้าโตถ้าอยากได้ 2 ขั้น ต้องรู้หลักกูดังนี้
สายโลหิต ฉันพิจารณาเป็นอันดับที่ 1
ศิษย์ข้างเดียว ฉันพิจารณาเป็นอันดับที่ 2
เสบียงหลังบ้าน ฉันพิจารณาเป็นอันดับที่ 3
เข้าบ้านมาสอพลอ ฉันพิจารณาเป็นอันดับที่ 4
ให้ฉันล่อไข่แดง ฉันพิจารณาเป็นอันดับที่ 5
ผู้ที่แกร่งวิชา ฉันพิจารณาเป็นอันดับสุดท้าย
เฮ้อเฮย เซาสา บ่อายเทวดา กะอายหมามันแน่
จั่งซี้กะว่าสอย
  สอย สอย พี่น้องฟังสอย
หัวดีหลายนายทุน หัวดีหลาย
พ่อเฒ่าสายพาลูกหลานลงเชื่อ
เทื่อสิฮู้เบิ๊ดเกลี้ยงสู่แนว
จั่งซี้กะว่าสอย
 
 
สอย สอย พี่น้องฟังสอย
หีท่อสองนิ้วขายได้เป็นแสน
บาดห่าโคยท่อแขน ขายบ่ได้พอบาท
จั่งซี้กะว่าสอย
  สอย สอย พี่น้องฟังสอย
หน่ายข่อยหน่าย แม่เฒ่านายข่อยหน่าย
หน่ายหีช้างเป็นถงย๊วกยวย
หน่ายหีควายสังบ่มีหน่อแตด
หน่ายหีแฮดสังเป็นสีมนๆ
หน่ายหีคนสังมามีหน่อแตด
เฮ้ย ตาปูแปดผัดอยู่นำผู้ชาย
 
 
สอย สอย พี่น้องฟังสอย
หน่ายข่อยหน่าย แม่เฒ่านายข่อยหน่าย
หน่ายนกขุ่มหลี่ สี้นกขุ่มหลี่
หน่ายคนเฮือนนี้ สี้เฮือนเดียวกัน
  สอย สอย พี่น้องฟังสอย
หน่ายข่อยหน่าย แม่เฒ่านายข่อยหน่าย
หน่ายคุณครูบ่ฮู้สอนเด็กน้อย
นักเรียนเป็นร้อย บ่ฮู้อีหยัง
 
 
สอย สอย พี่น้องฟังสอย
นายข่อยหน่าย แม่เฒ่านายข่อยหน่าย
หน่ายครูใหญ่บ่สนใจนักเรียน
เพราะว่าครูเบิ๊ดโรงเรียน มีแต่ญาติครูใหญ่
เฮอะเฮ่ย เป็นตาอยากหัว
อ สอย สอย พี่น้องฟังสอย
โอ้ละนอ กระทอจอกหลอก
ไผให้ตอก กูสิให้กระทอ 
 
สอย สอย พี่น้องฟังสอย
อ้ายทิดสีลาวมีความคึด
ลาวบ่งึดว่าไผสิซัง
ลาวกะยังเลี้ยงโตเองคือเก่า
แม่เฒ่าเบ้าเมาง้อแต่คน
ลาวเลยจนบ่มีขี้สิจี่
ให้เจ้าคิดถี่ๆ ให้คืออ้ายทิดสี
จั่งซี้กะว่าสอย
  สอย สอย พี่น้องฟังเจ๊กสอย
อั๊วเป็งเจ๊กอั๊วอยู่เมืองกิง
อั๊วจำศิง (ศีล) พูกจริงหม่ายหล่าย
อั๊วซื้อถูกล่ายขายแพงกะเป็ง
ถ้าว่าเจ๊กโง่ จะรายล่ายอย่างงาย
จั่งซี้กะว่าสอย
 
 
สอย สอย พี่น้องฟังเจ๊กสอย
อั๊วจะบอกคงไทยให้ฮู้กัง ข้ารากฉะกังเขากิงเงิงพวกเจ้า
เงินเดือนเขากะแบ่งเอา เงิงตำแหน่งเขากะแบ่งเอา
เงิงเบี้ยเลี้ยงค่าพาหนะเขากะเอา เงิงป่วยไข้เขากะแบ่งเอา
พวกเจ้าล่ายอะลาย สิบอกให้พวกไทยโง่เอย
จั่งซี้กะว่าสอย
  สอย สอย พี่น้องฟังเจ๊กสอย
อั๊วคงคิกสูก ลูกคิกรางทอง
พวกพี่น้องจำสูกง่ายๆ
ไผขี้ล่ายอั๊วกิงหมกเลย
ซาให้โหงวโละยี่ สี่ให้โหงวโละเอี่ยว
โหงวตื้อ โหงวกิงอีก โป้ยตื้อซากิงอีก
ซิกตื้อซาฮวงเอียวกิงอีก
มีอีกอั๊วก็กิงอีก มีอีกอั๊วก็กิงอีก
มีอีกอั๊วก็กิงอีก ฮ่วยมันกินเบิ๊ดอีหลีตั่วนี้!
กะหยอนลาวจนดอกเด้อ!
จั่งซี้กะว่าสอย
 
 
ฮ สอย สอย พี่น้องฟังสอย
ฮูเนินเขาว่าฮูคัน ฮูซันเขาว่าฮูลูก
ฮูมีขี้มูกเขาว่าฮูดัง
ฮูเป็นตาถั่งคือฮูอยู่ใกล้ก้นขี้ของผู้หญิง
จั่งซี่กะว่าสอย
 
 
สอย สอย พี่น้องฟังสอย
เฮียนหนังสือหลาย บ่เป็นตาสีแตก
เฮ็ดปลาแดกขายเอาเงินกะบ่เป็น
จั่งซี้กะว่าสอย
  สอย สอย พี่น้องฟังสอย
ฮ้ายกว่าไทบ้าน นั่นแม่นดอกเตอร์
เซ่อกว่าประชาชนนั่นแม่นบัณฑิต
จักแม่นมหาวิทยาลัยใด๋สอน
เลี้ยงโตเองกะบ่ได้ ฮ่วย!
โยนถิ่มทะแม หลักสูตรการศึกษา
 
 
สอย สอย พี่น้องฟังสอย
เฮียนน้อยแต่หากินกุ้มปาก นั่น แม่นชาวนา
เฮียนมากมาแต่รอท่าขอทาน นั่นแม่นบัณฑิต
ฮู้ว่าผิดแล้วบ่ยอมรับผิดนั่นแม่นผู้แทนหน้าด้าน
เฮ็ดผิดแล้วบ่ย่านฝ่ายค้านนั้นคือ พรรคอีหยัง?
ตอบแน่... จั่งซี้กะว่าสอย

http://www.isangate.com/entertain/soi_11.html#hook

www.kamsai.org เว็บไซต์ศูนย์รวมความรู้คู่คุณธรรม(ไทย-ลาว),ເວັບໄຊຕ໌ສູນລວມຄວາມຮູ້ຄູ່ຄຸນນະທັມ